Animal Amazing

Thursday, November 19, 2015

ប្រធានាធិបតី Vladimir Putin បានអះអាងថា នឹងកំទេចក្រុមទាំងឡាយណាដែលទទួលខុសត្រូវចំពោះការបំផ្ទុះយន្តហោះដឹកអ្នកដំណើររុស្ស៊ី ក្នុងប្រទេសអេហ្ស៊ីប និងវាយប្រហារតាមដែនអាកាសឲ្យកាន់តែខ្លាំងថែមទៀតប្រឆាំងក្រុមសកម្មប្រយុទ្ធក្នុងប្រទេសស៊ីរី ក្រោយពីទីក្រុង Kremlin បានសន្មតថាគ្រាប់បែកបានបំផ្លាញយន្តហោះដឹកអ្នកដំណើរកាលពីខែមុន សម្លាប់មនុស្សអស់២២៤នាក់ ។
Putin បានបញ្ជាឲ្យនាវាចម្បាំងនៅភាគខាងកើតមហាសមុទ្រមេឌីទែរ៉ាណេ ឲ្យសម្របសម្រួលសកម្មភាពរបស់ខ្លួនលើដែនសមុទ្រ និងនៅក្នុងដែនអាកាសជាមួយកងទ័ពជើងទឹកបារាំង ក្រោយពីទីក្រុង Kremlin ប្រើយន្តហោះរយៈចង្ងាយឆ្ងាយទម្លាក់គ្រាប់បែក និងបាញ់កាំជ្រួចក្នុងប្រទេសស៊ីរី ហើយបានប្រកាសថា រុស្ស៊ីនឹងពង្រីកការវាយប្រហាររបស់ខ្លួនដោយប្រើយន្តហោះចំនួន៣៧គ្រឿង ។
លោក Putin បាននិយាយពីយន្ដហោះទម្លាក់គ្រាប់បែកក្នុងកិច្ចប្រជុំដ៏ក្រៀមក្រំនៅទីក្រុង Kremlin ចាក់ផ្សាយកាលពីថ្ងៃអង្គារ៍ថា ពួកយើងនឹងស្វែងរកពួកគេគ្រប់ទីកន្លែងទាំងអស់នៅលើផែនដីនេះ ហើយដាក់ទណ្ឌកម្មលើពួកគេ ។ សេវាសន្តិសុខ FSB បានប្រកាសយ៉ាងឆាប់រហ័សថា នឹងផ្ដល់ប្រាក់រង្វាន់ចំនួន៥០លានដុល្លារចំពោះការចាប់ខ្លួនក្រុមបំផ្ទុះគ្រាប់បែក ៕

Putin អះអាងថា នឹងសងសឹក ក្រោយពីបង្ហាញថាយន្តហោះរុស្ស៊ីត្រូវបានបំផ្ទុះដោយគ្រាប់បែកក្នុងប្រទេសអេហ្សីបPutin អះអាងថា នឹងសងសឹក ក្រោយពីបង្ហាញថាយន្តហោះរុស្ស៊ីត្រូវបានបំផ្ទុះដោយគ្រាប់បែកក្នុងប្រទេសអេហ្សីប

តាកែវ ៖ ឪពុកម្តាយពីរនាក់ ជាមេខ្លោងបញ្ជាឲ្យជះទឹកអាស៊ីត ត្រូវបាននគរបាលខេត្តតាកែវ ចាប់ខ្លួនកាលពីល្ងាចថ្ងៃទី១៧ ខែវិច្ឆិកា ឆ្នាំ២០១៥ តាមដីការបស់តុលាការ។ ប៉ុន្តែនៅល្ងាចថ្ងៃដដែល ត្រូវបានដោះលែងវិញ បន្ទាប់ពីមានការធានាអះអាងពីមេធាវីអមដោយដីការបស់សាលាឧទ្ធរណ៍មួយសន្លឹក។
កាលពីព្រឹកថ្ងៃទី១៩ ខែវិច្ឆិកា ឆ្នាំ២០១៤ កន្លងទៅមានករណីជះទឹកអាស៊ីតមួយបានកើតឡើង នៅផ្សារទម្លាប់ ស្រុកគីរីវង់ ខេត្តតាកែវ បង្កឡើងដោយជនដៃដល់ ៤នាក់ ឪពុកម្តាយ និងកូន២នាក់ បណ្តាលឲ្យស្រី្តមានផ្ទៃពោះ២ខែម្នាក់ រងរបួសធ្ងន់ និងកូនស្រីអាយុ២ឆ្នាំ ម្នាក់ទៀតរងរបួសផងដែរ។ បន្ទាប់ពីកើតហេតុ ជនដៃដល់២នាក់បងប្អូន បានរត់គេចខ្លួន ហើយតុលាការ បានកោះហៅឪពុកម្តាយជាអ្នកបញ្ជាឲ្យកូនជាអ្នកជះទឹកអាស៊ីតចូលបំភ្លឺ។ ប៉ុន្តែក្រោយមកអ្នកទាំងពីរ ត្រូវបានលោកព្រះរាជអាជ្ញារង ទិន សុចិត្រា ដោះលែងឲ្យមានសេរីភាពឡើងវិញ។
លោក លុយ សុវណ្ណារ័ត្ន ប្តីស្ត្រីរងគ្រោះបាននិយាយកាលពីព្រឹកថ្ងៃទី១៨ ខែវិច្ឆិកា ឆ្នាំ២០១៥ថា នគរបាលខេត្តតាកែវ បានចាប់ខ្លួនឪពុកម្តាយពីរនាក់នេះ។ ពួកគេត្រូវបានបញ្ជូនទៅឃុំខ្លួនក្នុងស្នងការដ្ឋាននគរបាលខេត្តតាកែវ។ លោក លុយ សុវណ្ណារ័ត្ន បន្តថា នៅល្ងាចថ្ងៃដដែល ពួកគេត្រូវបានដោះលែងវិញ។ លោកចាត់ទុកជាភាពអយុត្តិធម៌បំផុត ចំពោះការដោះលែងជនល្មើសនេះ។
ក្នុងរឿងដដែលនេះ លោក ទិន សុចិត្រា ព្រះរាជអាជ្ញារងអមសាលាដំបូងខេត្តតាកែវ ធ្លាប់បាននិយាយថា លោកបានសម្រេចចោទប្រកាន់ជាផ្លូវការទៅលើជនល្មើស២នាក់ ជាបងប្អូនបង្កើតនឹងគ្នា ករណីជះទឹកអាស៊ីត នៅផ្សារទន្លាប់ ខេត្តតាកែវ ដែលបណ្តាលឲ្យស្ត្រីម្នាក់រងរបួសយ៉ាងធ្ងន់ធ្ងរ និងកូនស្រីអាយុ២ឆ្នាំ រងរបួសស្រាល។ ជនល្មើសទាំង២នាក់ បានរត់គេចខ្លួន ខណៈបច្ចុប្បន្នសំណុំរឿងនេះ កំពុងស្ថិតក្នុងចំណាត់ការរបស់ចៅក្រមស៊ើបសួរ លោកស្រី អ៊ិន ម៉ានិត្យ ជាអ្នកចាត់ការបន្តតាមនីតិវិធី តាមរូបភាពជនត្រូវចោទនៅក្រៅឃុំ។
លោកបានបញ្ជាក់ថា ជនត្រូវចោទឈ្មោះ ដេង លក្ខិណា ត្រូវបានចោទប្រកាន់១បទល្មើស តាមមាត្រា២០ នៃច្បាប់ស្តីពីការគ្រប់គ្រងទឹកអាស៊ីតខ្លាំង។ ចំណែកជនត្រូវចោទឈ្មោះ ដេង មាស ត្រូវបានចោទប្រកាន់ចំនួន២បទល្មើស គឺតាមមាត្រា២០ នៃច្បាប់ស្តីពីការគ្រប់គ្រងទឹកអាស៊ីតខ្លាំង និងបទហិង្សាដោយចេតនាមានស្ថានទម្ងន់ទោស តាមមាត្រា២១៨ នៃក្រមព្រហ្មទណ្ឌ។
ដោយឡែក ស្ត្រីរងគ្រោះឈ្មោះ មួង ស្រីមុំ បានថ្លែងទាំងទឹកភ្នែកថា អ្នកស្រីមានការឈឺចាប់ដោយសារមុខរបួសខ្លាំងណាស់ ចង់តែឲ្យគ្រូពេទ្យចាក់ថ្នាំឲ្យស្លាប់តែម្តងទៅ។ ប៉ុន្តែដោយសារអាណិតកូនតូច ចេះតែទ្រាំរស់ទាំងឈឺចាប់ស្ទើរស្លាប់ស្ទើររស់ ៕

មេខ្លោងបញ្ជាឲ្យ ជះទឹកអាស៊ីត ត្រូវដោះលែង ជាលើកទីពីរ

កណ្តាល ៖ គ្រោះអគ្គិភ័យមួយបានឆាបឆេះលំនៅដ្ឋានមួយខ្នង ស្ថិតក្នុងភូមិចាមក្រោម ឃុំព្រែកថ្មី ស្រុកកោះធំ យ៉ាងសន្ធោសន្ធៅ កាលពីវេលាម៉ោង១៨:៣០នាទី ថ្ងៃទី១៨ ខែវិច្ឆិកា ឆ្នាំ២០១៥ បណ្តាលឲ្យស្ត្រីជនជាតិខ្មែរឥស្លាមម្នាក់ ស្លាប់យ៉ាងអាណោចអាធ័មនៅក្នុងបង្គន់ ខណៈដែលផ្ទះមួយខ្នងទំហំ៤ម៉ែត្រគុណ៦ម៉ែត្រ ត្រូវបានអគ្គិភ័យឆាបឆេះស្ទើរទាំងស្រុង និងសម្ភារប្រើប្រាស់មួយចំនួនទៀតរងការខូចខាត។
លោកវរសេនីយ៍ត្រី ឈឿន ប៊ុនឆន បានឲ្យដឹងថា ករណីគ្រោះអគ្គិភ័យនេះកើតឡើងដោយសារឆ្លងចរន្តអគ្គិសនីដែលប្រើប្រាស់នៅក្នុងផ្ទះ បូករួមនៅក្នុងផ្ទះមានប្រេងសាំងចំនួន២ប៊ីដុង និងប្រេងម៉ាស៊ូត១ប៊ីដុងទៀតនោះ ទើបបណ្តាលឲ្យភ្លើងឆេះយ៉ាងសន្ធោសន្ធៅធ្វើស្ត្រីជាម្ចាស់ផ្ទះស្លាប់បាត់បង់ជីវិត និងខូចខាតលំនៅដ្ឋានមួយខ្នងទំហំ៤ម៉ែត្រគុណ៦ម៉ែត្រ ធ្វើអំពីឈើលើ ថ្មក្រោម ប្រក់ស៊ីប្រូ និងសម្ភារប្រើប្រាស់នៅក្នុងផ្ទះមួយចំនួនរួមមាន ទូទឹកកកចំនួន១ ,ម៉ាស៊ីនបោកខោអាវចំនួន១ ,ម៉ាស៊ីនបូមទឹកចំនួន១ ,ម៉ាស៊ីនបាញ់ថ្នាំចំនួន១ និងទំនិញចាប់ហ៊ួយមួយចំនួនទៀតផងដែរ។
លោកអធិការបន្តថា ស្ត្រីរងគ្រោះជាម្ចាស់ផ្ទះស្លាប់បាត់បង់ជីវិតនោះមានឈ្មោះ សាន់ ម៉ាទីតោះ ភេទស្រី អាយុ២២ឆ្នាំ ជនជាតិខ្មែរឥស្លាម មុខរបរលក់ដូរ រីឯបុរសជាប្តីឈ្មោះ កូប រ៉ាវី អាយុ២៣ឆ្នាំ ជនជាតិខ្មែរឥស្លាម មានមានរងរបួសអ្វីនោះទេ បច្ចុប្បន្នស្នាក់នៅក្នុងភូមិ-ឃុំកើតហេតុខាងលើ។
លោកវរសេនីយ៍ត្រី ឈឿន ប៊ុនឆន បន្តទៀតថា នៅមុនពេលកើតហេតុស្ត្រីរងគ្រោះបានចូលទៅក្នុងបន្ទប់ទឹក រីឯបុរសជាប្តីកំពុងកើបអាចម៍គោនៅខាងក្រៅផ្ទះ ខណៈនោះស្រាប់តែឮសម្លេងផ្ទុះចេញពីក្នុងផ្ទះ ព្រមទាំងមានអណ្តាតភ្លើងឆាបឆេះយ៉ាងសន្ធោសន្ធៅឡើង។ ឃើញដូច្នេះបុរសជាប្តី និងអ្នកជិតខាងបាននាំគ្នាដួសទឹកពន្លត់ភ្លើង ដែលកំពុងឆាបឆេះរហូតភ្លើងរលត់ជាសន្ថាពរ គ្រាដែលផ្ទះត្រូវបានភ្លើងឆាបឆេះស្ទើរទាំងស្រុងទៅហើយនោះ រីឯស្ត្រីរងគ្រោះបានដាច់ខ្យល់ស្លាប់នៅក្នុងបន្ទប់ទឹក ៕

គ្រោះអគ្គិភ័យឆាបឆេះផ្ទះប្រជាពលរដ្ឋនៅស្រុកកោះធំ បណ្តាលឲ្យស្ត្រីម្នាក់ស្លាប់នៅក្នុងផ្ទះ

ភ្នំពេញ ៖ ពិតជាគួរឲ្យសរសើរមែន ខណៈមានក្រុមចោរប្លន់នៅប្លុកផ្លូវរថភ្លើង (ប្លុកបឹងកក់)មួយក្រុម បានធ្វើសកម្មភាពកាប់ប្លន់បុរសម្នាក់យកម៉ូតូតែមិនបានសម្រេច ព្រោះជនងគ្រោះមានកាំភ្លើងខ្លីបាញ់តបវិញ៦គ្រាប់ បណ្ដាលឲ្យជនសង្ស័យម្នាក់របួសជើង ហើយជនរងគ្រោះក៏ត្រូវក្រុមចោរកាប់ឲ្យរបួសផងដែរ ទើបនាំគ្នារត់គេចខ្លួនទាំងសងខាង ។
ករណីបាញ់តដៃក្រុមចោរប្លន់ឲ្យរបួសខាងលើនេះ បានកើតឡើងកាលពីវេលាម៉ោង៨និង២០នាទី យប់ថ្ងៃទី១៨ ខែវិចិ្ឆកា ឆ្នាំ២០១៥ នៅចំនុចផ្កូវរថភ្លើង ភូមិ២ សង្កាត់ស្រះចក ខណ្ឌដូនពេញ ។ តាមការឆ្លើយបំភ្លឺរបស់ប្រជាពលរដ្ឋដែលរស់នៅជុំវិញកន្លែងកើតហេតុ នៅវេលាម៉ោងខាងលេី មានបុរសម្នាក់មាន អាយុជាង៣០ឆ្នាំ មានសៀតអាយកូមនៅចង្កេះ និងមានកាំភ្លើងខ្លី១ដើមជិះម៉ូតូ១គ្រឿងម៉ាកហុងដាសេ១២៥ ពណ៌ក្រហម បានជិះមកឈប់កន្លែងកើតហេតុ ។
ភ្លាមនោះ ក៏មានទំនាស់ពាក្សសម្តីជាមួយក្មេងស្ទាវមួយក្រុមប្រហែល៥នាក់ដែលឃាត់បុរសនេះឲ្យរកសេវាផ្លូវភេទនិងមានបំណងប្លន់ម៉ូតូតែជនមិនព្រមឈប់ធ្វើឲ្យក្រុមក្មេងស្ទាវទាំងនោះយកដាវកាប់ទៅលេីបុរសដែលជិះម៉ូតូនោះបណ្តាលឲរងរបួស ។ ករណីនេះបុរសរងគ្រោះក៏បានដកកាំភ្លើង បាញ់ត្រូវក្រុមជនសង្ស័យឈ្មោះ សាល ត្រូវជើង ហើយក៏រត់គេចខ្លួនទាំងសងខាងបាត់តែម្តង។ នៅកន្លែងកើតហេតុបានបន្សល់ទុកម៉ូតូ១គ្រឿងម៉ាកហុងដាសេ១២៥ពណ៌ក្រហម ស្លាកលេខ ភ្នំពេញ1CS-4449និងគ្រាប់កាំភ្លើងមិនទាន់មិនទាន់ផ្ទុះចំនួន១គ្រាប់ត្រូវបានសមត្ថកិច្ចយកទៅ រក្សាទុកនៅបញ្ជាការដ្ឋានកងរាជអាវុធហត្ថខណ្ឌដូនពេញដើម្បីស្រាវជ្រាវស្វែងរកម្ចាស់ម៉ូតូ និងជនសង្ស័យដែលរបួសជើង។ រីឯដាវចំនួន៣ដើមនិងសំបកកាទុស្ស៦គ្រាប់ត្រូវបានរក្សាទុកនៅអធិការដ្ឋាននគរបាលខណ្ឌដូនពេញ ៕

ក្រុមចោរប្លន់ ប្លុកផ្លូវរថភ្លើង ប្លន់ម៉ូតូមិនបានសម្រេច ត្រូវជនងគ្រោះ ដកកាំភ្លើងបាញ់វិញ បណ្ដាលឲ្យជនសង្ស័យ ម្នាក់របួសជើង

ខេត្តបន្ទាយមានជ័យ៖ ពលរដ្ឋខ្មែរថៃចំនួន១៥នាក់ក្នុងនោះពលរដ្ឋខ្មែរ១៤នាក់ជនជាតិថៃម្នាក់ដែលជាមេខ្យល់នាំពលរដ្ឋខ្មែរចូលដីថៃទៅកាប់ឈើគ្រញូងត្រូវបាន កម្លាំងទាហាប៉ារ៉ាថៃ និងក្រុមអភិរក្ស ឧទ្យានជាតិប៉ាង ស៊ីដាខេត្តស្រះកែវប្រទេសថៃ សហការណ៍គ្នា ចាប់ខ្លួនបានជាបនតបន្ទាប់ចោទ ពីបទលួចឆ្លង ដែនខុសច្បាប់ចូលទឹកដីថៃ ហើយធ្វើសកម្មភាពកាប់ឈើគ្រញូង នៅអភិរក្សសួនជាតិប៉ាងស៊ីដា ខេត្តស្រះកែវតំបន់ ឈមនិងខេត្តបន្ទាយមានជ័យកាលពីថ្ងៃទី១៧ ខែវិច្ឆិកា ឆ្នាំ២០១៥។ សេចក្តីរាយការណ៍ឱ្យដឹងថាពលរដ្ឋខ្មែរថៃទាំង១៥នាក់នោះនៅថ្ងៃទី១៨ ខែវិច្ឆិកា ឆ្នាំ២០១៥ ត្រូវបានតម្រួតថៃយកមកឃុំខ្លួននៅខេត្តស្រះកែវរងចាំបញ្ចូនទៅកាន់តុលាការយកទៅអនុវត្តច្បាប់។ប្រតិបត្តិការរបស់សមត្ថកិច្ចថៃ ដកហូតបាន ឈើគ្រញូង៤៧ដុំ ខ្នាតវែង មុខ កាត់20x40cm អាវុធវែង៤ដើម អាវុធខ្លី២ដើម ថ្នាំយ៉ាម៉ា២គ្រាប់ និងកញ្ឆាក្រៀម១កញ្ចប់។
យោងការចុះផ្សាយរបស់កាសែតក្នុងស្រុករបស់ថៃ ឱ្យដឹងថា នៅចំពោះមុខសមត្ថកិច្ចសួរនាំ (ពលរដ្ឋខ្មែទាំង១៤នាក់បានឆ្លើយសារភាពថា ពួកខ្លួនគឺត្រូវបានឈ្មោះ សាំរួយ ឈុំធៀម ជនជាតិថៃ ខាងលើ ជួលឲ្យឡើងមកកាប់ឈើគ្រញូងលើភ្នំក្នងឧទ្យានជាតិខាងលើ ដោយឲ្យថ្លៃឈ្នួល១គីឡូ២០០ បាត តែពេលកាប់ឈើបានត្រូវជញ្ជូនម្នាក់១ដុំយកទៅលាក់ទុកក្នុងចំការអំពៅមួយកន្លែងក្បែរផ្ទះជន ជាតិថៃខាងលើទើបគេបើកលុយឱ្យ។
ពាក់ព័ន្ធនិងការឃាត់ខ្លួនពលរដ្ឋខ្មែរខាងលើ លោក ប៊ុន សុខវិបុល អគ្គកុង ស៊ុលកម្ពុជាប្រចាំប្រទេសថៃ បានប្រាប់អ្នកយកព័ត៌មានឱ្យដឹងថា ពិតជាមានករណីចាប់ខ្លួនពលរដ្ឋ ខ្មែរពីសំណាក់សមត្ថកិច្ចថៃនោះមែន។បច្ចុប្បន្នពលរដ្ឋខ្មែរទាំង នោះនិងជាតិថៃជា មេខ្យល់រួមជា មួយវត្ថុតាមត្រូវបានតម្រួតថៃកសាងសំណុំរឿងបញ្ជូនទៅតុលាការចាត់ការតាមច្បាប់។ចំពោះករណីនេះអគ្គកុងស៊ុលក៏បាននឹងកំពុងបើកការស្រាវជ្រាវផងដែរ ៕

ពលរដ្ឋខ្មែរ-ថៃ១៥នាក់ត្រូវថៃចាប់ខ្លួន ចោទពីបទឆ្លងដែនចូលកាប់ឈើខុសច្បាប់នៅក្នុងដីថៃ

កាលពីពេលថ្មីៗនេះ សាលារាជធានី ភ្នំពេញ បានចេញសេចក្តីជូនដំណឹងមួយស្តីពីការ រៀបចំកម្មវិធីកំសាន្ត នៅក្នុងពិធីបុណ្យអុំទូក ដែលប្រព្រឹត្តិទៅនៅថ្ងៃទី ២៤,២៥ និង ២៦ វិច្ឆិកា ឆ្នាំ ២០១៥។ សេចក្តីជូនដំណឹងនោះ មានខ្លឹមសារដូចខាងក្រោម៖

សាលាក្រុង ភ្នំពេញ ចេញសេចក្តីជូនដំណឹង ស្តីពីការ រៀបចំកម្មវិធីកម្សាន្តក្នុងពិធីបុណ្យអុំទូក

ភ្នំពេញ៖ ទីតាំងប្រើប្រាស់គ្រឿងញៀនដ៏ធំមួយនៅសង្កាត់ទឹកថ្លា ត្រូវបានកំលាំងការិយាក័យជួញដូរគ្រឿងញៀនរាជធានីភ្នំពេញ សហការជាមួយកំលាំងគណៈបញ្ជាការឯកភាពខណ្ឌសែនសុខចុះប្រមូលនិងបង្ក្រាប ក្នុងនោះឃាត់ខ្លួនក្មេងប្រើប្រាស់គ្រឿងញៀនចំនួន23នាក់ ស្រី1នាក់ យកទៅសាកសួរ ។ ក្នុងការចុះបង្ក្រាបទីតាំងខាងលើកាលពីម៉ោង11និង30នាទីថ្ងៃទី 19 ខែវិច្ឆិកា ឆ្នាំ2015 នៅចំណុចផ្លូវលំ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ក្នុងប្រតិបត្តិការបង្ក្រាបទីតាំងខាងលើ ដឹកនាំដោយលោក ប៊ន សំអាត ស្នងការរងរាជធានីភ្នំពេញ លោកសក់ ច័ន្ទកញ្ញារិទ្ធ អភិបាលរងខណ្ឌសែនសុខ និង លោកម៉ក់ ហុង អធិការខណ្ឌ សែនសុខដោយមានការសំរបសំរួលពីលោក កែវ សុជាតិ ព្រះរាជ អាជ្ញរងនៃអយ្យការអមសាលា រាជធានីភ្នំពេញ។ តាមប្រសាសលោក ស្នងការរង បានមានប្រសាសថាដោយមានបទបញ្ជារពីលោកអគ្គ ស្នងការ រងនិងជាស្នងការរាជធានីភ្នំពេញបានបញ្ជាមកលោកអោយចុះសហការណ៍ និងធ្វើរដ្ឋបាលនៅចំណុចខាងលើដែលជាតំបន់ស្មុគស្មាញទើបលោកដឹកនាំកំលាំងចុះមកបង្ក្រាបអោយដូចភ្លៀងរលឹមក្នុងនោះឃាត់ខ្លួនក្មេងដែកតែងតែដើរចោលផ្ទះនិងប្រមូលផ្តុំប្រើប្រាស់គ្រឿងញៀនបាន២៣នាក់ក្នុងនោះមានស្រីម្នាក់ផង។
គួរបញ្ជាក់ថា ទីតាំងដែលសមត្ថកិច្ចចុះបង្ក្រាបខាងលើនេះប្រមូលផ្តុំដោយក្មេងទំនើងបងតូចបងធំដែលតែងតែមកជួបជុំគ្នាដើម្បីជាជំរកសំរាប់ប្រើប្រាស់គ្រឿងញៀនទោះបីសមត្ថកិច្ចមូលដ្ឋានខិតខំ និងព្យាយាមបង្ក្រាបជាច្រើនលើច្រើនសាយ៉ាងណាក៏ដោយ ក៏មិនចេះអស់ដែរ ហើយនេះជាលើកទី3ហើយដែលគណៈបញ្ជាការឯកភាពខណ្ឌសែនសុខ សហការជាមួយការិយាល័យបង្ក្រាបគ្រឿងញៀនរាជធានីភ្នំពេញជាទ្រុងទ្រាយធំ ។
ក្នុងប្រតិបត្តិការខាងលើនេះ សមត្ថកិច្ចបានដកហូតសម្ភារប្រើប្រាស់គ្រឿងញៀនមួយចំនួនធំ និងដកហូតទូហ្គេមទូហ្គេមបាញ់ត្រីចំនួន៧ផង ដាវសាំម៉ូរៃ ២ដើម និងថ្នាំញៀន២កញ្ចប់ធំ ។ បច្ចុប្បន្នក្រុមប្រើប្រាស់គ្រឿងញៀនួមទាំងវត្ថុតាងខាងលើត្រូវបាននាំខ្លួនយកទៅធ្វើការសាកសួរនៅអធិការដ្ឋាននគរបាលខណ្ឌសែនសុខរួមទាំងវត្ថុតាងប្រើប្រាស់មួយចំនួនផង ៕

បង្ក្រាបទីតាំង គ្រឿងញៀន ដ៏ធំនៅភូមិត្រពាំងឈូក សង្កាត់ទឹកថ្លា ឃាត់ខ្លួនមនុស្សប្រុស ស្រី២៣នាក់

ខេត្តស្វាយរៀង៖ជនសង្ស័យ២នាក់ត្រូវបានកំលាំងសមត្ថកិច្ចនគរបាលក្រុងបាវិតស្រាវជ្រាវ និងឃាត់ខ្លួនមកសាកសួរបន្ទាប់ពីបង្ហោះfacebook បំភ្លៃឯកសារសាធារណៈ សំបុត្របញ្ជាក់កំណើតខេត្តស្វាយរៀង ប្រទេសវៀតណាម នៅវេលាម៉ោង៤រសៀល ថ្ងៃទី១៩ ខែវិច្ឆិកា ឆ្នាំ២០១៥។
សមត្ថកិច្ចនគបាលក្រុងបាវិតបានអោយដឹងថា ជនសង្ស័យទាំង២នាក់ នោះមាន ឈ្មោះ សុខ សំអ៊ាន ភេទប្រុស អាយុ៣៨ឆ្នាំ មុខរបរកសិករ មានទីលំនៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង ជាអ្នកបង្ហោះដាក់facebook និងម្នាក់ទៀត ឈ្មោះ នង សារិទ្ធ ដែលសមាជិកក្រុមប្រឹក្សាក្រុងបាវិត ជាអ្នកសរសេរ បន្ទាប់ពីស្រាវជ្រាវរកឃើញថា ជនសង្ស័យទាំង២នេះ បានបំភ្លៃឯកសារសាធារណៈ សំបុត្របញ្ជាក់កំណើត ដោយដាក់ថា ខេត្តស្វាយរៀង ស្ថិតក្នុងប្រទេសវៀតណាម ហើយបង្ហោះក្នុង Facebook នាំឲ្យបំពុលបរិយាកាស។
សូមបញ្ជាក់ដែរថា នៅរសៀលថ្ងៃទី១៩ វិច្ឆិកា ឆ្នាំ២០១៥ ឈ្មោះសុខ សំអ៊ាន បង្ហោះសំបុត្របញ្ជាក់កំណើតតាមទំពរ័ហ្វេស្សប៊ុកធ្វើឲ្យមហាជនប្រតិកម្មយ៉ាងខ្លាំងចំពោះសំបុត្របញ្ជាក់កំណើតរបស់ឈ្មោះញ៉ែម ឈឿន ដោយសរសេរថា កើតនៅថ្ងៃទី១៧ មេសា ១៩៥៨ នៅភូមិតាពៅ ឃុំបាវិត ស្រុកចន្ទ្រា ខេត្តស្វាយរៀង ប្រទេសវៀតណាម ធ្វើនៅថ្ងៃទី១៧ ខែវិច្ឆិកា ឆ្នាំ២០០៤ ចុះហត្ថលេខាដោយលោកសាញ់ សាខុន មេឃុំបាវិត បច្ចុប្បន្នចៅសង្កាត់បាវិត គឺមានអ្នកក្លែងឯកសារ ។
ជនសង្ស័យទាំង២នាក់ត្រូវបានសមត្ថកិច្ចនគបាលក្រុងបាវិតកសាងសំណុំរឿងបញ្ជូនមកស្នងការដ្ឋាននគបាលខេត្តស្វាយរៀងចាត់ការបន្តតាមច្បាប់ ៕

បុរស២នាក់អត់ការងារធ្វើ បង្ហោះ Facebook ក្លែងបន្លំសំបុត្រកំណើត ខេត្តស្វាយរៀង ស្ថិតក្នុងប្រទេសវៀតណាមត្រូវសមត្ថកិច្ចឃាត់ខ្លួននៅក្រុងបាវិត

រាជធានី ភ្នំពេញៈ នៅថ្ងៃទី ១៩ខែវិច្ឆិកា ឆ្នាំ២០១៥នេះ មានគ្រោះថ្នាក់ចរាចរណ៍ នៅទូទាំងប្រទេសចំនួន ១៦លើក យប់ ៨លើក, បណ្តាលអោយមនុស្សស្លាប់ ១៥នាក់(ស្រី ១នាក់) អ្នករបួសធ្ងន់ ១៤នាក់(ស្រី ២នាក់), របួសស្រាល ៥នាក់(ស្រី ២នាក់)។
ក្នុងគ្រោះថ្នាក់ចរាចរណ៍ ទាំង ១៦លើកនេះ បានបង្កឲ្យខូចខាតយានយន្តសរុប ៣២គ្រឿង ក្នុងនោះមានម៉ូតូចំនួន ១៧គ្រឿង, រថយន្តធុនតូច ៩គ្រឿង, រថយន្តធន់ធំ ៥គ្រឿង, យានផ្សេងៗ ១លើក ។
មូលហេតុដែលបណ្តាល ឲ្យមានគ្រោះថ្នាក់រួមមាន ល្មើសល្បឿន ៥លើក, ប្រជែងគ្រោះថ្នាក់ ៣លើក, បត់គ្រោះថ្នាក់ ៣លើក, ស្រវឹង ៤លើក, មិនប្រកាន់ស្តាំ ១លើក, ក្នុងនោះអ្នកមិនពាក់មួកពេលគ្រោះថ្នាក់មាន ២០នាក់(យប់ ១១នាក់) ។
រថយន្តពិន័យសរុបចំនួន ២,១០៥គ្រឿង (រថយន្តធំ ១,២៨៤គ្រឿង) ស្មើនិង២,១០៥ករណី, ល្មើសក្រដាសស្នាមមាន ១,១៥៦គ្រឿង ស្មើនឹង ១,១៥៦ករណី, ចំពោះករណីល្មើសបច្ចេកទេស ៩៤៩គ្រឿង ស្មើនឹង ៩៤៩ករណី ដោយឡែកម៉ូតូត្រូវបានពិន័យសរុបចំនួន ១,៤៧១គ្រឿង ៕

គ្រោះថ្នាក់ ចរាចរណ៍ប្រចាំថ្ងៃ ទី១៩ខែវិច្ឆិកា ឆ្នាំ២០១៥ បណ្តាលអោយ មនុស្សស្លាប់ចំនួន ១៥នាក់ របួសធ្ងន់ ១៩នាក់

កណ្ដាល៖ គ្រូបង្រៀនភាសាអង់គ្លេសជានារីម្នាក់ ត្រូវប្រជាពលរដ្ឋប្រទះឃើញដេកស្លាប់កាលពីវេលាម៉ោង០៦:០៨នាទីព្រឹក ថ្ងៃទី២០ ខែវិច្ឆិកា ឆ្នាំ២០១៥ នៅលើផ្លូវលំដីចំការក្នុងភូមិស្វាយតានី ឃុំព្រែកគយ ស្រុកស្អាង ខេត្តកណ្តាល។
តាមរបាយការណ៍របស់សមត្ថកិច្ចនគរបាលស្រុកស្អាងបានឲ្យដឹងថា ជនរងគ្រោះមានឈ្មោះ ផែន សុភាវី ភេទស្រី អាយុ២៣ឆ្នាំ ជនជាតិខ្មែរ មុខរបរគ្រូបង្រៀនភាសាអង់គ្លេសនៅសាលាប៊ែលធីក្រុងតាខ្មៅ មានទីលំនៅភូមិសំប៉ានលើ ឃុំព្រែកអំបិល ស្រុកស្អាង ខេត្តកណ្ដាល ត្រូវបានប្រជាពលរដ្ឋទៅចំការប្រទះឃើញដេកស្លាប់ នៅចំណុចខាងលើ កាលពីវេលាម៉ោង០៦:០៨នាទីព្រឹក ថ្ងៃទី២០ ខែវិច្ឆិកា ឆ្នាំ២០១៥ ហើយក៏រាយការណ៍មកសមត្ថកិច្ចនគរបាល។
ក្រោយទទួលព័ត៌មាននេះ សមត្ថកិច្ចនគរបាលស្រុក រួមនិងគ្រូពេទ្យឃុំ បានធ្វើការ ពិនិត្យសព ឃើញមានស្នាមមុតចំនួន២៨កន្លែង សាកសពអាចស្លាប់នៅចន្លោះម៉ោងពី២០:០០នាទី ទៅម៉ោង២៣:០០នាទី ថ្ងៃទី១៩ ខែវិច្ឆិកា ឆ្នាំ២០១៥។ ក្នុងនោះដែរ សមត្ថកិច្ចដកហូតវត្ថុតាងរួមមាន៖ កាបូបស្ពាយខ្នងចំនួន០១ ទូរស័ព្ទដៃម៉ាកសាំសុង០១គ្រឿង មួកសុវត្ថិភាពចំនួន០១ បញ្ជីជាតិ ព្រមទាំងឯកសារមួយចំនួនទៀត។
បន្ទាប់ពីពិនិត្យរួច សមត្ថកិច្ចបានប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី៕

អ្នកគ្រូភាសាអង់គ្លេសម្នាក់ ត្រូវគេប្រទះឃើញដេកស្លាប់

ព្រៃវែង៖ កាលពីថ្ងៃទី ១៩ ខែ វិច្ឆកា ឆ្នាំ ២០១៥ វេលាម៉ោង ១២ ថ្ងៃត្រង់សមត្ថកិច្ចនគរ បាលស្រុក បានធ្វើការឃាត ខ្លួនឈ្មោះ អ៊ុត ឌៀន ភេទប្រុស អាយុ ២២ ឆ្នាំ មានទីលំនៅភូមិ ច្រកស្វាយ ឃុំ ស្តៅកោង ស្រុកបាភ្នំ ករណី រំលោភសេពសន្ទវវៈ តាមពាក្យបណ្តឹងម្តាយជនរងគ្រោះ។
ក្នុងហេតុការណ៍នេះលោកវរសេនីយ៍ត្រី អន សាគន្ធ អធិការនគរបាលស្រុកបាភ្នំបានឲ្យដឹងថាៈនៅវេលាម៉ោង ១២ ថ្ងៃត្រង់ នៅចំនុចគុម្ភសង្កែ ខាងលិចផ្ទះចនរងគ្រោះចំងាយប្រហែល ៣០ ម៉ែត្រ ស្ថិតនៅក្នុងភូមិ ច្រកស្វាយ ឃុំ ស្តៅកោង ស្រុកបាភ្នំ ឈ្មោះឈ្មោះ អ៊ុត ឌៀន ភេទប្រុស អាយុ ២២ ឆ្នាំ បានហៅឈ្មោះ អ៊ុត ពក អាយុ ១៨ ឆ្នាំ ត្រូវ ជាប្អូនបង្កើត ដែលកំពុងច្រូតស្រូវ នៅក្បែរនោះ មកជួបខ្លួន នៅចំនុចគុម្ភសង្កែ ខាងលិចផ្ទះ ពេលជនរង គ្រោះមកដល់ ឈ្មោះ អ៊ុត ឌៀន ក៍បានធ្វើសកម្មភាពរំលោភសេពសន្ទវៈ លើនារីរងគ្រោះរហូតបានសំរេច ។ពេលនោះនារីរងគ្រោះបានប្រាប់ម្តាយ ម្តាយក៍បានមកប្តឹងលោកមេភូមិ និងប្រធានប៉ុស្តិ៍នគរបាលរដ្ឋបាល ឃុំ ស្តៅកោង សមត្ថកិច្ចនគរបាលបានទៅដល់កន្លែងកើតហេតុ ហើយធ្វើការ ឃាតខ្លួន ឈ្មោះ អ៊ុត ឌៀន នៅប៉ុស្តិ៍ឃុំ ស្តៅកោង ។
បច្ចុប្បន្ន សមត្ថកិច្ចនគរបាលបានបំពេញសំណុំបែបបទបញ្ជូនទៅសាលាដំបូងខេត្ត ចាត់ការតាមនីតិវិធីច្បាប់ ៕

សមត្ថកិច្ចនគរបាលស្រុកបាភ្នំ ឃាត់ខ្លួនបុរសម្នាក់ ករណីរំលោភសេពសន្ទវៈ ប្អូនបង្កើត

សរសៃអាទែមាននាទីយ៉ាងសំខាន់ក្នុងការនាំយកសារធាតុចញ្ចឹមពីចំណីរអាហរ និង អុកស៊ីសែនទៅកាន់បេះដូងនិងសរីរាង្គសំខាន់ៗជាច្រើនទៀតក្នុងរាងកាយ។ ក៏ប៉ុន្តែ ចំណីរអាហារដែលមានជាតិខ្លាញ់ជាតិពុល និង សារធាតុគីមីច្រើន បានធ្វើឲ្យប៉ះពាល់យ៉ាងខ្លាំងដល់សរសៃឈាមដ៏សំខាន់មួយនេះ។ ដើម្បីរស់នៅប្រកបដោយសុខភាព លោកអ្នកគួររក្សាសរសៃមួយនេះឲ្យស្អាតជានិច្ចផងដែរ តាមរយៈការទទួលទានអាហារប្រកបដោយសុខភាពជាប្រចាំ។ ប្រសិនបើលោកអ្នកមិនបានយកចិត្តទុកដាក់ខ្លាំងលើរបបអាហារប្រចាំថ្ងៃនោះទេ យើងខ្ញុំសូមណែនាំលោកអ្នកនូវគ្រឿងផ្សំ ៤ យ៉ាងដែលងាយស្រួលរក តែវាមានប្រសិទ្ធភាពខ្ពស់ក្នុងការលាងសម្អាតសរសៃអាទែឲ្យមានសុខភាពល្អ។
គ្រឿងផ្សំ

ទឹក ៤ លីត្រ
ខ្ទឹមស ៨ កំពឹស
ក្រូចឆ្មារ ៨ ផ្លែ
ខ្ញី ៥ ប្រវែងប្រហែល ៥ សង់ទីមែត្រ

របៀបធ្វើ
ចិតសម្បកខ្ញី និង ខ្ទឹមហើយដាក់វាក្នុងម៉ាស៊ីនកិន។ ក្រូចឆ្មារត្រូវលាងទឹកហើយស្អាត ហើយហាន់វាជាបន្ទះៗដាក់ក្នុងម៉ាស៊ីនកិន ហើយកិនគ្រឿងផ្សំនេះឲ្យម៉ត់។ បន្ទាប់មក ត្រូវយកគ្រឿងផ្សំដែលម៉ត់ ហើយនេះដាក់ចម្អិនជាមួយទឹក ៤ លីត្រឲ្យពុះ។ ពេលទឹកនេះត្រជាក់ត្រូវច្រោះយកកាកចេញ ហើយញាំទឹកនេះរៀងរាល់ថ្ងៃ ពេលនៅពោះទទេ ហើយយ៉ាងហោចណាស់ត្រូវញាំទឹកនេះឲ្យបានមុនពេលញាំអាំហារពេលព្រឹក ២ ម៉ោង៕

វិធីលាងសម្អាតសរសៃអាទែ ដោយប្រើគ្រឿងផ្សំសាមញ្ញ ៤ យ៉ាង

បន្ទាប់ពីរដូវរងារមក ស្បែកនៅលើជើង មានសភាពស្ងួត និងក្រិន ដែលវាបណ្តាល ឲ្យមានការឈឺចាប់ ពិបាកក្នុងការដើរ។ ជាធម្មតាវាកើត ឡើងនៅលើកែងជើង នៅចន្លោះម្រាមជើង ឬ នៅបាតជើងកន្លែង ដែលបាតជើងរងសម្ពាធ នៅពេលដើរ។
វិធីបំបាត់/ព្យាបាល៖
1. ចិតខ្ទឹមសឲ្យល្អិត និងយកវាទៅត្រាំជាមួយផ្លែប៉ោមជួរ ហើយទុករយៈពេល 3-4 ម៉ោង។ យកខ្ទឹមសនោះទៅបៀក ឬប៉ាតជាមួយនិងបង់រុំ ឬស្រោមជើងរបស់អ្នក ដែលអ្នកអាចផ្អាប់ វាទុករយៈពេល មួយយប់។ អ្នកគួរធ្វើរបៀប នេះជារៀងរាល់យប់ ហើយមុនពេល ចូលគេង អ្នកត្រូវលាងសម្អាត ជើងជាមួយនឹងសាប៊ូ ឲ្យបានស្អាតឲ្យបានរយៈពី 20-30 នាទី (ដោយទឹកក្តៅជាមួយ ទឹកការ៉ុតប្រៃ មេម៉្សៅ ជាតិខនិជ ដែលបានឈូសឲ្យល្អិតៗ។ ក្រោយមកស្បែក ដែលក្រិននឹងចាប់ផ្ដើមជ្រុះចេញជាផ្ទាំងៗ។ អ្នកត្រូវប្រាកដថា អ្នកបានជម្រុសស្បែក ក្រិនទាំងនោះអស់ហើយ មុនពេលសម្រចចិត្តថា ឈប់អនុវត្តនូវវិធីសាស្រ្តនេះ។
2. ឈូសរំដេងឲ្យល្អិត ហើយយកវាទៅលាបលើស្បែក ដែលក្រិនដែលអ្នកបាន ត្រដូសជាមួយនឹងប្រេងហើយ រុំវាទុករយៈពេល ២ ម៉ោង ក្នុងពេលព្រឹក និងល្ងាច។ បិតវាជាប់ និងបង់រុំរបួស ឬស្រោមជើង។ អ្នកត្រូវយករំដេង ដែលបានឈូសឲ្យល្អិត នោះមកលាបលើស្បែក ដែលក្រិនទាំងនោះ ហើយគួរតែផ្លាស់ប្តូរ វារៀងរាល់យប់។ រយៈពេល ៣ទៅ ៤ថ្ងៃក្រោយមក ស្បែកក្រិនទាំងនោះនិងជ្រុះ។ រឿងដែលសំខាន់អ្នក មិនត្រូវពាក់ស្បែកជើង ដែលតូចចង្អៀតពេក ធ្វើឲ្យជើងមាន ភាពឈឺចាប់នោះទេ។ ប្រើប្រាស់ទ្រនាប់កល់ ឬបិតនៅកន្លែងដែលក្រិន ដើម្បីសម្រួលក្នុងពេលដើរ។
3. លាយទឹកក្រូចឆ្មា ជាមួយនឹងកាកកាហ្វេ ហើយដាក់វាលើ បំនែកក្រូចឆ្មានោះ។ យកវាទៅបិត និងបង់រុំរបួស ឬស្រោមជើង។ អ្នកត្រូវប្តូរវាជារៀងរាល់យប់។

របៀបបំបាត់ ស្បែកក្រិននៅលើជើង

ការគេងគឺវាពិតជា សំខាន់ខ្លាំងណាស់ សម្រាប់រាងកាយរបស់យើង ពីព្រោះវាអាចជួយ អោយយើងមាន ថាមពលក្នុងការប្រកប ការងារផ្សេងៗ ប៉ុន្តែការគេងដោយ មិនត្រឹមត្រូវវាអាច ធ្វើអោយយើងមាន គ្រោះថ្នាក់បានផងដែរ។ តាមបញ្ជាក់ បញ្ជារបស់គ្រូពេទ្យ បានអោយដឹងថា ការគេងចំហៀងខាងស្តាំ អាចផ្តល់គ្រោះថ្នាក់ ដល់រាងកាយរបស់យើងបាន ជាពិសេសគឺស្រ្តី ដែលកំពុងមានផ្ទៃពោះ។ គ្រោះថ្នាក់ទាំងនោះមាន៖
១. កាត់បន្ថយលំហូរនៃឈាមដែលរត់ទៅចញ្ចឹមនៅក្នុងស្បូន
២. អាចប៉ះពាល់ដល់ទងសុក
៣. ទារកទទួលសារធាតុចញ្ចឹមមិនគ្រប់គ្រាន់
៤. ប៉ះពាល់ថ្លើម
៥. អាចធ្វើអោយទារក ស្លាប់ក្នុងផ្ទៃបាន ខាងលើនេះ គឺជាផលប៉ះពាល់ ដល់ស្រ្តីដែលមានកូន។ សម្រាប់មនុស្ស ធម្មតាវិញវាអាចផ្តល់ ប៉ះពាល់ដូចជា៖

+ រលាកបេះដូង៖ ប្រសិនបើអ្នកកំពុង តែរងគ្រោះដោយ ជម្ងឺមួយនេះអ្នកអាច នឹងទទួលភាពធ្ងន់ធ្ងរ ជាងមុន ប្រសិនបើអ្នកគេង ចំហៀងខាងស្តាំ ។

+ ស្ពឺកដៃ៖ នៅពេល ដែលអ្នកគេងសង្គត់ លើដៃនៅពេលព្រឹកអ្នក នឹងមានអារម្មណ៏ស្ពឹកដៃ។ ហើយប្រសិនបើអ្នក តែងតែមានអារម្មណ៍ ស្ពឹកដៃនេះញឹកញាប់ពេកវាអាចនឹង ធ្វើអោយអ្នកឧស្សាហ៍ក្រោកនៅពេលយប់បាន។

+ ជម្ងឺមហារីក៖ នៅពេល ដែលយើងមានការរលាក បេះដូងវាអាចអោយ យើងកើតជម្ងឺមហារីកបាន៕

គ្រោះថ្នាក់នៃការ គេងចំហៀងខាងស្តាំ ដែលយើងគ្រប់គ្នា គួរដឹង

សម្ពាធឈាមឡើងខ្ពស់គឺជាគ្រោះថ្នាក់សម្រាប់សុខភាព ព្រោះវាបានបណ្តាលឱ្យមានការខូចខាតនៃ សរសៃឈាមដែលនាំឱ្យមានការគាំងបេះដូង, ជំងឺខ្សោយបេះដូង, ជំងឺដាច់សរសៃឈាមខួរក្បាល, ជំងឺតម្រងនោម និង បញ្ហាសុខភាពធ្ងន់ធ្ងរជាច្រើនទៀត។
បើយោងតាមដំបូន្មានរបស់គ្រូពេទ្យជំនាញបានឲ្យដឹងថា ការព្យាបាលដើម្បីឲ្យសម្អាធចុះមកវិញគឺមានលក្ខណៈខុសគ្នាៗដោយផ្អែកទៅតាមអាយុនិងកម្រិតសម្ពាធផ្សេងៗគ្នារបស់អ្នកជំងឺដូចខាងក្រោម នេះ៖

អ្នកដែលមានអាយុ ២០ ឆ្នាំ ហើយមានកម្រិតសម្ពាធឈាមតិចជាង ១២០/៨០ mm Hg គួរតែពិនិត្យ ឈាមរៀងរាល់ ២ ឆ្នាំម្តង។ ហើយអ្វីដែលពួកគេគួរធ្វើគឺ ហាត់ប្រាណឲ្យបានច្រើន គេងឲ្យបានគ្រប់គ្រាន់ និង ចៀងវៀងបញ្ហាស្ត្រេស។
ប្រសិនបើសម្ពាធឈាមមានកម្រិត ១៤០/៩០ mm Hg ឬ ក៏ខ្ពស់ជាងនេះ អ្នកជំងឺគួរតែបង្កើតទម្លាប់ដើរឲ្យបានលឿនជាងមុនក្នុងការរស់នៅប្រចាំថ្ងៃ ហើយលោកអ្នកគួរស្វែងរកគ្រូពេទ្យដើម្បីស្វែងដំណោះស្រាយល្អៗបន្ថែមទៀត។
ប្រសិនបើសម្ពាធឈាមមានកម្រិត ១៨០/១១០ mm Hg ឬ ខ្ពស់ជាងនេះ លោកអ្នកគួរពិនិត្យឈាមឲ្យបានញឹកញាប់ជាទីបំផុត។ ហើយត្រូវធ្វើការផ្លាស់ប្តូររបៀបរស់នៅប្រចាំថ្ងៃ ដើម្បីរក្សាកម្រិតសម្ពាធឈាមឲ្យស្ថិតក្នុងកម្រិតស្តង់ដារសុខភាព៕

វិធីបញ្ចុះសម្ពាធឈាម ដោយផ្អែកទៅលើកម្រិតសម្ពាធឈាមជាក់ស្តែង

រាងកាយ ឡើងលឿង ជាប្រភេទជម្ងឺម៉្យាង ដែលធ្វើឲ្យមានសភាពលឿង ឬប្រែពណ៌ទៅជាលឿង លើស្បែក ឬលើផ្នែកពណ៌សនៃភ្នែក។ វាមិនមែនជាជម្ងឺទេ។ វាជារោគសញ្ញា បង្កឲ្យកម្រិតនៃ bilirumbin ដែលជាសារជាតិពណ៌ទឹកក្រូច-លឿងក្នុងថ្លើម ដែលអាចធ្វើឲ្យ ខូចនូវកោសិកាឈាមក្រហម ក្នុងសសៃឈាមឡើងខ្ពស់។
មានប្រភេទជម្ងឹជាច្រើន ដែលអាចបង្កឲ្យមាន រោគលឿង រួមដូចជា ការរលាកថ្លើម ការស្ទះទង់ប្រមាត់ ការខ្វះឈាម ដែលបង្កដោយ ការខូចនូវកោសិកា ឈាមក្រហម។ ភាគច្រើនរោគលឿ ងនេះកើតឡើងចំពោះ កូនក្មេងតូចៗ ជាពិសេសគឺទារក ដែលទើបនិងកើត។ វាចាំបាច់ណាស់ សម្រាប់អ្នកវិភាគរោគ ក្នុងការកំណត់រោគសញ្ញានៃ រោគលឿងសម្រាប់ផ្តល់ ការព្យាបាលដល់អ្នកជម្ងឺ។ ហើយឥលូវនេះអ្នក អាចធ្វើការព្យាបាល រោគលឿងនេះបាននៅតាមផ្ទះ។ ខាងក្រោមនេះជា របៀបក្នុងការព្យាបាល៖
1. ផឹកទឹកប៉េងប៉ោះ ស្រស់ជារៀងរាល់ថ្ងៃ៖ សារធាតុ Lycopene មានក្នុងទឹកប៉េងប៉ោះ គឺជាសារធាតុ ដែលប្រឆាំងអុកស៊ីតកម្ម អាចជួយកាត់បន្ថយ បញ្ហាខូចថ្លើម។ ត្រូវបន្ថែមអំបិល និងម្រេចទៅក្នុងទឹកប៉េងប៉ោះស្រស់នោះបន្តិច រូចផឹកឲ្យវាឲ្យបានរាល់ព្រឹក។
2. បរិភោគទឹកស្លឹក មើមស្ពៃក្រហម៖ យកប្រដាប់គាបយកទឹក គាបយកទឹកស្រស់ ចេញពីមើមស្ពៃក្រហម។ ផឹកទឹកនោះក្នុងរយៈពេល ១០ថ្ងៃឡើងទៅ វានិងមានប្រសិទ្វភាពខ្ពស់ក្នុងការព្យាបាលរោគលឿង។
3. បរិភោគផ្លែអាម៉ុងរាល់ថ្ងៃ៖ ត្រូវយកផ្លែអាម៉ុង ៧ ទៅ ៨ ចំណិតទៅត្រាំក្នុងទឹកសិន ហើយបកសំបកវាចេញ។ អ្នកគួរអនុវត្តវិធីនេះរាល់ថ្ងៃ រហូតដល់បាត់រោគ លឿងនោះ។
4. ផឹកទឹកអំពៅ ជាមួយក្រូចឆ្មារ៖ ទឹកអំពៅ អាចជួយក្នុងការព្យាបាល រោគលឿង ហើយងាយស្រួល រកទិញនៅតាមផ្សារ។ ប៉ុន្តែអ្នកគួរតែប្រាកដថា ទឹកអំពៅនោះជាទឹក ដែលស្រស់ៗ។ ដើម្បីបំបាត់រោគលឿងនោះ ត្រូវបន្ថែមក្រូចឆ្មារ ទៅក្នុងទឺកអំពៅស្រស់នោះ ហើយផឹកវាឲ្យបាន១ ទៅ២ដងក្នុង១ថ្ងៃ។
5. ផឹកទឺកក្រូចឆ្មារជាប្រចាំ៖ វាជាវិធីសាស្រ្តដ៏សាមញ្ញបំផុតដែ លអាចបំបាត់រោគ លឿងតាមធម្មជាតិ ដោយគ្រាន់តែបរិភោគ ទឹកក្រូចឆ្មារជាប្រចាំ។ វាជាភេសជ្ជៈម៉្យាង ដែលមានផ្ទុកទៅដោយជាតិ វិតាមីន C ហើយនិងធាតុអុកស៊ីតកម្ម ដែលអាចជួយការពារ ការបំផ្លាញនៃកោសិកា។ សារធាតុចញ្ចឹមទាំង នោះធ្វើឲ្យប្រព័ន្វភាពស៊ាំមានកម្លាំងខ្លាំង ជួយអ្នកប្រឆាំងនិងរោគលឿង។
6. ផឹកទឹកតែ Chamomile៖ តែ Chamomile ជារូបមន្ត ដែលពេញនិយមធ្វើតាមផ្ទះ សម្រាប់ ការគេងមិនលក់ និងភាពតានតឹង។ ចូរទទួលទានវា ជារៀងរាល់ថ្ងៃ យ៉ាងហោចណាស់ ឲ្យបាន៣ ទៅ៤ ថ្ងៃ រហូតដល់រោគ លឿងនោះបាត់អស់។ វាជាគំនិតដ៏ល្អក្នុង ការផឹកទឹកតែ Chamomile ឲ្យបានជាប់ទោះបីជារោគលឿងនោះបាត់ក៏ដោយ។
7. ផឹកទឹកដែលលាយជាមួយម៉្សៅ Turmeric៖ ម៉្សៅ Turmeric ជាធាតុដែលផ្សំ ជាមួយធាតុប្រឆាំង នឹងការរលាក និង ធាតុអុកស៊ីតកម្ម អាចជួយដល់ជម្ងឺថ្លើម និងរោគលឿង។ អ្វីដែលអ្នកត្រូវធ្វើ គឺត្រូវយក ម៉្សៅ Turmeric ¼ ស្លាបព្រាកាហ្វទៅក្នុងកែវទឹកក្តៅ។ កូរវាឲ្យសព្វ រួចផឹកវា ២ដងក្នុង ១ ថ្ងៃ។
8. ផឹកតែស្លឹកល្ហុង៖ ស្លឹកល្ហុង អាចទប់ស្កាត់ការរលាក។ ប្រើប្រាស់ប្រដាប់កិន ដើម្បីកិនស្លឹកល្ហុងស្រស់ ហើយដាក់វាចូលក្នុងម៉្សៅ។ អ្នកអាចបន្ថែមទឹក ឃ្មុំខ្លះចូលទៅក្នុងវា មុនពេលទទួលទាន ដើម្បីឲ្យវាមានរសជាតិល្អ ងាយស្រួលញ៉ាំ។

របៀបបំបាត់អាការៈ រាងកាយឡើងលឿង

ចេកគឺជាផ្លែឈឺមួយប្រភេទដែលអាចផ្តល់ថាមពល, សារធាតុប៉ូតាស្យូម និង វិតាមីនជាច្រើនទៀតដែលល្អសម្រាប់សុខភាពអ្នកដែលញាំវា។ ការសិក្សាមួយបានរកឃើញថា ប្រើសិនបើលោកអ្នកញាំ ចេក ៣ ផ្លែក្នុងមួយថ្ងៃនឹងទទួលបានអត្ថប្រយោជន៍សុខភាពជាច្រើនទៀតដូចជា៖

ចេកសម្បួរដោយជាតិប៉ូតាស្យូមដែលអាចជួយរក្សាកម្រិតសម្ពាធឈាម ធ្វើឲ្យបេះដូងមានសុខភាពល្អ ការពារការកកឈាម និង ការពារជំងឺដាច់សរសៃឈាមក្នុងខួរក្បាល។
ការសិក្សាមួយបានរកឃើញថា លោកអ្នកនឹងមានអារម្មណ៍ស្រស់ថ្លា បន្ទាប់ពីលោកអ្នកញាំចេករួច។ ដូចនេះ ការញាំចេកជាប្រចាំអាចប្រឆាំងនឹងជំងឺធ្លាក់ទឹកចិត្តបានយ៉ាងល្អ។
ចេកសម្បូរដោយវិតាមីនB6 ដែលល្អសម្រាប់ស្ត្រីដែលមានរដូវ។ លើក្រោមសម្រាប់ស្រ្តីដែលមានបញ្ហាពេលមានរដូវ មិនចាំបាច់ញាំថ្នាំទេ ញាំតែចេកទៅបានហើយ។
ញាំចេក ៣ ផ្លែ អាចផ្តល់ថាមពលសម្រាប់ការហាត់ប្រាណបាន ៩០ នាទី។ ចេកជាផ្លែឈឺដ៏ល្អ សម្រាប់ញាំមុនពេលហាត់ប្រាណ។
ចេកមានផ្ទុកនូវជាតិអាស៊ីតធម្មជាតិជាច្រើន ហើយបើលោកអ្នកញាំត្រឹមចេក ១ ផ្លែ ក្នុងមួយថ្ងៃ វានឹងជួយបន្ថយអាការក្រាហាយទ្រូងបានយ៉ាងមានប្រសិទ្ធភាព។
ចេកសម្បូរដោយសារជាតិដែក ដែលអាចជួយប្រយុទ្ធប្រឆាំងនិងជំងឺស្លេកស្លាំង ឬ ជំងឺខ្វះឈាមបាន។
ចេកសម្បួរដោយជាតិសរសៃដែលល្អសម្រាប់ពោះវៀន និង អ្នកមានបញ្ហាទល់លាមក៕

តើនឹងមានអ្វីកើតឡើង បើលោកអ្នកញាំចេក ៣ ផ្លែក្នុងមួយថ្ងៃ?

ប្រព័ន្ធប្រឆាំងនឹងជម្ងឺ ដែលមាននៅក្នុងរាងកាយ របស់យើងមានតួនាទី យ៉ាងសំខាន់ក្នុងការ កម្ចាត់មេរោគមួយ ចំនួនកុំអោយ កើតមាននៅ លើរាងកាយ របស់យើងប៉ុន្តែវាពេលខ្លះក៏ អាចធ្វើអោយយើង កើតមានជម្ងឺផងដែរ។ ជម្ងឺទាំងនោះរួមមានការរលាកសន្លាក ជម្ងឺរបកស្បែក និង ជម្ងឺពោះវៀន។ ប៉ុន្តែសូមអ្នកកុំបារម្ភ អ្វីអ្នកអាចធ្វើព្យាបាលរោគ ទាំងនេះបានដោយ ប្រើប្រាស់វិធីដូចខាងក្រោម៖
១. បរិភោគខ្លាញ់ត្រី៖ នៅក្នុងខ្លាញ់ត្រីវា សំបូរទៅដោយសារធាតុ Omega 3 ដែលអាចជួយកាត់ បន្ថយការរលាកបាន។ ត្រី ដែលអ្នកគួរបរិភោគ នោះមានដូចជាត្រី Salmon Tuna និង Sardine ។
២. ញ៉ាំអាហារសំបូរជាតិវីតាមីន C៖ ជាតិវីតាមីន C នេះអាចជួយកាត់បន្ថយ ការកើតឡើងនៃជម្ងឺ ដែលបង្កដោយប្រព័ន្ធប្រឆាំងនឹងជម្ងឺ ដែលមាននៅក្នុងរាងកាយ។ ជាតិវីតាមីន C នេះមាននៅក្នុងបន្លែ និងផ្លែឈើដូចជាត្របែក ល្ហុង ប៉េងប៉ោះ និងបន្លែដែលមានស្លឹកបៃតងចាស់។
៣. ញ៉ាំអាហារសំបូរជាតិវីតាមីន D៖ ជាតិវីតាមីន D អាចជួយអោយយើង ជៀសផុតពីជម្ងឺ រលាកស្បែកនានា។ អាហារដែលមាន ផ្ទុកវីតាមីន D មានដូចជា ផ្សិត ត្រី ស៊ុត សាច់ជ្រូក ផលិតផលចម្រាញ់ ចេញពីទឹកដោះគោ និងទឹកសណ្តែក។
៤. ជៀសវៀងញ៉ាំអាហារដែលធ្វើអោយអ្នកមានប្រត្តិកម្ម៖ ប្រសិនបើអ្នកកើតជម្ងឺដែល បណ្តាលមកពីប្រព័ន្ធប្រឆាំង ជម្ងឺនៅក្នុងរាងកាយ អ្នកត្រូវជៀសវៀងញ៉ាំអាហារ ដែលធ្វើអោយអ្នកមានប្រត្តិកម្ម។ អ្នកអាចកំនត់សម្គាល់ បានថា ប្រសិនបើអ្នកមានប្រត្តិកម្ម ជាមួយអាហារអ្នក តែងតែមានអារម្មណ៍ មិនស្រួលក្នុងរាងកាយ ដូចជាឈឺពោះរាគរូស ទល់លាមក តែងតែភើរ ហើយនិងរោគសញ្ញាផ្សេងៗទៀត។
៥. គេងអោយបានគ្រប់គ្រាន់៖ ការគេងអោយគ្រប់ គ្រាន់អាចជួយអោយ យើងឆាប់ជាពីជម្ងឺនានា បានមិនថាជម្ងឺ ដែលបណ្តាលមកពីប្រព័ន្ធប្រឆាំងជម្ងឺនៅក្នុងរាងកាយ៕

ប្រព័ន្ធប្រឆាំងជម្ងឺក្នុងរាងកាយ ក៏អាចបង្កអោយកើតមានជម្ងឺបានដែរ និងវិធីការពារ

ជាទូទៅរាងកាយ របស់មនុស្សយើង បន្តលូតលាស់ទាល់ តែយើងមានអាយុ១៨ឆ្នាំ ដូចនេះហើយយុវវ័យ ឬអ្នក ដែលមានអាយុក្មេងជាងនេះ គួរតែធ្វើការហាត់ប្រាណឲ្យបានច្រើន ដើម្បីធ្វើឲ្យរាងកាយ និងសាច់ដុំរីកលូតលាស់បានល្អ។ ខាងក្រោមនេះជា វិធីហាត់ប្រាណមួយចំនួន ដែលអាចជួយពន្លូត កម្ពស់របស់អ្នកបាន៖
1. លោតខ្សែអន្ទាក់៖ ធ្វើដូចនេះឲ្យបានញឹកញាប់ លោកអ្នកនឹងមើលឃើញលទ្ធផល។

2. ធ្វើចលនាត្រគាក៖ គេងបញ្ឈរជង្គង់ ហើយយកបាតដៃរុញចង្កេះឡើងលើរយៈពេល ២០ ទៅ ៣០ វិនាទី។ ធ្វើដូចនេះឲ្យបានច្រើនដង។

3. ហែកទឹក៖ យ៉ាងហោចណាស់ត្រូវហែលឲ្យបាន ២ ម៉ោងជារៀងរាល់ថ្ងៃ។

4. ងើយ.ក ឡើងលើ៖ គេងថ្កាប់ ដោយយកដៃទាំងពីរទ្រខ្លួនរបស់អ្នក ហើយព្យាយាមងើយ ចង្កាឡើងលើ ដោយរក្សាចង្កេះឲ្យមានរាងកោង។

5. ព្យួរខ្លួនឡើងលើ៖ យកដៃរទាំងពីរចាប់កាន់ របាអ្វីមួយឲ្យណែន ហើយប្រឹងទាញខ្លួនឯងឡើងលើ ពេលទាញខ្លួនឡើង លើជើងទាំងពីរ ត្រូវអង្កុញឡើងផង។ ធ្វើដូចនេះ ៣ ឬ ៤ ដងក្នុងមួយ សប្តាហ៏។

6. ឈរហើយឱនចុះក្រោមឲ្យដៃប៉ះនឹងម្រាមជើង៖ ពេលដៃរបស់អ្នកបានប៉ះចុងជើងហើយ ត្រូវរក្សាចលនានេះ ៣វិនាទី។ ធ្វើដូចនេះឲ្យបានញឹកញាប់៕

វិធីហាត់ប្រាណទាំង ៦ យ៉ាង ដើម្បីពន្លូតកម្ពស់

អំឡុងពេលមានផ្ទៃពោះ គឺជាពេលដែលស្ត្រីត្រូវយកចិត្តទុកដាក់លើបញ្ហាសុខភាពជាទីបំផុត ដើម្បីរក្សាឲ្យបាននូវសុវត្តិភាពទាំងម្តាយនិងកូនដែលនៅក្នុងផ្ទៃ។ ខាងក្រោនេះ ជារបៀបនៃការគេងដ៏ល្អបំផុតសម្រាប់អ្នកម្តាយគ្រប់រូបដែលកំពុងមានផ្ទៃពោះ៖

គេងផ្អៀងមកមួយចំហៀង( បើផ្អៀងមកខាងឆ្វេងកាន់តែល្អ) ដាក់ជើងនឹងជង្គង់ឲ្យបត់បន្តិច( ដូចក្នុងរូប) ហើយដាក់ខ្នើយមួយនៅចន្លោះជើងទាំងពីរ។ ការគេងរបៀបនេះនឹងធ្វើឲ្យមានលំហូរឈាមយ៉ាងល្អទៅកាន់សុក។
កុំគេងផ្ងារ ព្រោះទម្ងន់ខ្លួនរបស់ទារកនិងស្ថិតនៅលើពោះរៀន និង សរសៃឈាមសំខាន់ៗរបស់អ្នក ដែលអាចធ្វើឲ្យប៉ះពាល់ដល់ប្រព័ន្ធរំលាយអាហារ ផ្លូវដង្ហើម ឈឺខ្នង និង សម្ពាធឈាមធ្លាក់ទាប។
ហើយដើម្បីគេងឲ្យបានលក់ស្កប់ស្កល់ ស្ត្រីមានផ្ទៃពោះទាំងអស់មិនត្រូវញាំទឹកអ្វីនោះទេ ក្នុងរយៈ ពេល ២ ម៉ោងមុនពេលចូលគេង។ ហើយភេសជ្ជៈដែលត្រូវចៀសវៀងឲ្យខានតែបាននោះ គឺប្រភេទភេសជ្ជៈដែលផ្ទុកនូវជាតិកាហ្វេអ៊ីន៕

ដំណេកដ៏ល្អំផុតសម្រាប់អ្នកម្តាយគ្រប់រូបដែលកំពុងមានផ្ទៃពោះ

យើងតែងតែយល់ ការទទួលទានស៊ុត គឺអាចជួយអោយ រាងកាយរបស់យើង មានភាពរឹងមាំជាងមុន។ អ្នកយល់ឃើញ បែបនេះគឺមិនខុសតែ ពីព្រោះផ្នែកពណ៌លឿងនៃស៊ុត គឺសំបូរទៅដោយ សារធាតុចញ្ចឹមដល់រាងកាយ របស់យើង ប៉ុន្តែស៊ុតខ្លះវិញវា ក៏មិនល្អដល់សុខភាព នឹងរាងកាយរបស់យើងទេ។
តើយើងធ្វើដូចម្តេច ដើម្បីដឹងថាយើងគួរញ៉ាំ ស៊ុតបែបណា ដែលអាចអោយសុខភាព របស់យើងល្អ ហើយស៊ុតនោះកើត ពីមាន់ល្អ រឺមាន់ឈឺ? យើងត្រូវដឹងថា ដើម្បីទទួលបានស៊ុត ដែលសំបូរទៅដោយ សារធាតុចញ្ចឹម ហើយវាអោយផ្តល់អោយ យើងមានសុខភាពល្អបាន គឺមាន់ដែលផលិតស៊ុត នោះត្រូវមានសុខភាព ល្អផងដែរ។
តាមការសិក្សាបាន បង្ហាញអោយបាន ឃើញថា ស៊ុតដែលមានសុខភាព ល្អគឺត្រូវមើលលើ៖
– ពណ៌នៃផ្នែកពណ៌លឿងនៃស៊ុត៖ ពណ៌នៃផ្នែកពណ៌លឿងនោះគួរតែមានពណ៌ទឹកក្រូចចាស់
– កម្រាស់នៃផ្នែកពណ៌លឿងនៃស៊ុត៖ ជាធម្មតាស៊ុត ដែលមានសារធាតុចញ្ចឹម ច្រើនហើយអាច ផ្តល់អោយអ្នកទទួល ទានមានសុខភាពល្អ គឺតែងតែមានភាព ក្រាស់ជាស៊ុតធម្មតា ហើយវាមានរាងមូលក្រឡង់
– សំបករបស់ស៊ុតក្រាស់ និងរឹងមាំ៖ ស៊ុតដែលល្អ គឺតែងតែមានសំបកក្រាស់ ហើយវាមិនងាយនឹងបែក។
ចំនុចខាងក្រោមនេះហើយ គឺជាវិធីក្នុងការមើលស៊ុត ដែលមានគុណភាពល្អ ហើយនៅពេល ដែលយើងញ៉ាំ ទៅវាអាចផ្តល់ អោយយើងមានសុខភាពល្អ៕

របៀបមើលស៊ុតណាល្អចំពោះសុខភាព

មនុស្សជាច្រើនបានជឿជាក់ថា ការប្រើប្រាស់ប័រ ធ្វើពីប្រេងរុក្ខជាតិ ក្នុងរបបអាហារ អាចធ្វើឲ្យពួកគេ មានសុខភាពល្អ។ ប៉ុន្តែបើអ្នកបានដឹងពី របៀបនៃការធ្វើប័រនេះ អ្នកប្រហែលជា នឹងមិនញាំវាទៀតទេ។
ការពិតប័រ នេះត្រូវបានគេប្រើប្រាស់ សារធាតុគីមី និងសារធាតុម៉្យាង ដើម្បីឲ្យវាមានពណ៌សល្អ។ ជាងនេះទៅទៀង វាត្រូវគេធ្វើឡើង ដោយគ្រឿងផ្សំ ជាច្រើនដូចជា ប្រេង ដែលមានតម្លៃថោក, គ្រាប់សណ្តែក ដែលគ្មានគុណភាព, កប្បាស, ឆាយថាវ និង ស្រូវសាឡី។ ហើយកាសិក្សា បានរកឃើញថា ក្នុងគ្រាប់សណ្តែក ដែលប្រើប្រាស់ សម្រាប់ធ្វើប័រនេះ មានផ្ទុកសារធាតុគីមីជាច្រើន។
ហើយបើកប្បាសវិញ គឺមានផ្ទុកនូវសារធាតុពុល និងថ្នាំសម្លាប់សត្វល្អិតទៀងផង។ ចំណែកឯប្រេងវិញ គឺមានផ្ទុកនូវជាតិ រ៉ាឌីកាល់សេរីជាច្រើន ដែលអាចបំផ្លាញកោសិការ ជាច្រើនក្នុងសារពាង្គកាយ និង បង្កឲ្យមានជំងឺមហារីក។ ហើយដើម្បីឲ្យវាក្លិនល្អ គេក៏បានប្រើប្រាស់ សារធាតុគីមី ដើម្បីរក្សាក្លិនវាផងដែរ។
ជារួម យើងអាចធ្វើសេចក្តីសន្និដ្ឋានបានថា ប័រដែលធ្វើពីប្រេងរុក្ខជាតិនេះ មិនល្អសម្រាប់ អ្នកទទួលទាន នោះទេ ពោលគឺវាអាចបង្កជា ជំងឺជាច្រើនសម្រាប់មនុស្ស៕